Գիտես, ոչ քեզ սիրում եմ, ոչ էլ չեմ սիրում

Գիտես, ոչ քեզ սիրում եմ, ոչ էլ չեմ սիրում,

Քանզի այս աշխարհում ամենն է երկկողմանի,

Եվ նույնիսկ բառը պարունակում է լռություն,

Իսկ կրակը ներքուստ սառն է ու վայրի:

Սիրում եմ, որ սկսեմ սիրել քեզ,

Ու վերապրեմ երազներիս հավերժությունը,

Ու որ երբեք չդադարի սիրո այդ քաղցր քունը,

Դրա համար էլ դեռ չեմ սիրում կարծես:

Ե՛վ  քեզ  սիրում եմ, և՛ չեմ սիրում,

Մի ափիս մեջ երջանկության բերկրանքն եմ պահում,

Իսկ մյուսի մեջ ծանրացել է տխրության ծանր բեռը,

Ու հավերժ երկմտանքի մեջ տատանվում են իմ ձեռքերը:

Սերս երկկենցաղ է քեզ սիրելու համար,

Քեզ սիրում եմ, երբ բնավ չեմ սիրում,

Ու այդ պատճառով էլ հետևաբար՝

Քեզ սիրելով եմ սիրում:

Հեղինակ՝ Պաբլո Ներուդա

Թարգմանություն՝ Ա. Մանե